Isa na namang pasabog na talent showdown ang nagtapos ngayong linggo sa pinakamalaki at pinakaengrandeng talent-reality show na "Pilipinas Got Talent" kung saan ang black light dancers na Zilent Overload at singer na si Eumee Lyn Capile ang kinilala bilang ikatlo at ikaapat na semi-finalists. Nakuha ng dance group mula Pasig ang 48.65% sa pangkalahatang text at online votes kaya naman sigurado na silang pasok sa semis. Pinaglabanan naman ni Eumee at ng boy crooner na si John Neil Roa ang boto ng judges sa battle for survival round. Sa huli, pinili ng Big Three si Eumee para umabante sa susunod na laban. Sasamahan na ng Zilent Overload at ni Eumee ang dalawa pang naunang semi-finalists na sina Chaeremon Basa at The Mis Tres. Sino kaya ang susunod na papasok sa semis? Maglalaban laban ngayong linggo para sa dalawa sa natitirang walong semi-finalist slots ang comedic magician na si Michael Fernando a.k.a. Mifer; singer na si Randy De Silva; dog trainer na si Florendo "Randy" Macalma; Mp3 Band; wheelchair dancers na Tahanang Walang Hagdan Wheelchair Dancesport and BMG; at twins dance group na Symmetry. Abangan ang kanilang pagtutunggali sa 3rd quarterfinals performance night sa Sabado (Apr 20), pagkatapos ng "MMK," na susundan ng 3rd quarterfinals results night sa Linggo (Apr 21), pagkatapos ng "Rated K" sa ABS-CBN. I-tweet ang inyong mga opinion gamit ang hashtag na #PGT4.
No comments:
Post a Comment