ZAIJIAN JARANILLA, MAGPAPALUHA SA “MMK” NGAYONG SABADO

Muling pabibilibin ng Kapamilya child wonder na si Zaijian Jaranilla ang TV viewers ngayong Sabado (Abril 20) sa kanyang natatanging pagganap sa upcoming episode ng "Maaala Mo Kaya." Bibigyang buhay ni Zaijian sa episode ang karakter ni Brian, isang bata na maagang namulat sa kahirapan. Sa murang edad, si Brian ang kumakayod para sa pagkain ng kanyang pamilya at nagsisilbing mga mata, kamay, at paa ng kanyang ina na malapit nang mabulag. Sa dami ng problema na kanilang kinakaharap, paano pa nga ba makababangon ang pamilya ni Brian sa pagdating ng isang trahedya na magbabago ng kanilang buhay? Bukod kay Zaijian, tampok din sa "MMK" sina Epi Quizon, Precious Lara Quigaman, Paul Salas, Maggie dela Riva, Miguelito de Guzman, at Marnie Lapus. Ito ay sa ilalim ng pananaliksik ni Agatha Lee Ruadap, panulat nina Benson Logronio at Arah Jell Badayos, at direksyon ni Raz de la Torre. Huwag palampasin ang isa namang de-kalibreng family drama episode ng "MMK" ngayong Sabado, pagkatapos ng "Wansapanataym," sa ABS-CBN. Para sa iba pang updates, mag log on sawww.mmk.abs-cbn.com, sundan ang @MMKOfficial sa Twitter, at i-"like" angwww.facebook.com/MMKOfficial.