Nagbabalik-Kapamilya ang actress-host na si Alex Gonzaga matapos itong pormal na pumirma ng two-year contract kamakailan sa ABS-CBN. Unang sasabak si Alex sa inaabangang singing competition na "The Voice of the Philippines" kung saan sasamahan niya si Robi Domingo bilang social media correspondent. Magbabalik-komedya din si Alex sa kanyang pagsama sa kwelang barkada ng "Banana Nite" at balik-drama din sa kanyang pagpasok sa isang teleserye. "Itong mga proyektong hinanda ng ABS-CBN para sa akin ay mga bagay na gustong gusto ko talagang gawin. May hosting, comedy at drama kaya naman wala na akong mahihiling pa," sabi ni Alex na nagsimulang mag-artista sa ABS-CBN noong 2006 bilang cast ng youth-oriented sitcom na "Let's Go." Dumalo sa contract signing sina ABS-CBN president at CEO Charo Santos-Concio, ABS-CBN broadcast head Cory Vidanes, Star Magic consultant Johny Manahan at talent manager na si Pinty Gonzaga.
No comments:
Post a Comment