Hindi pa man naire-release ang bagong album ni Vice ay nanguna na agad sa Philippine online musical portal na MyMusicStore.com.ph ang kanyang carrier single na 'Karakaraka' kung saan kasama niya ang Pinoy rapper na si Smugglaz.
Tulad ng kanyang debut album sa Star Records, kaabang-abang din ang fun-filled music video ng 'Karakaraka' kung saan kasama ni Vice ang ilan sa pinakamalalapit niyang kaibigan sa showbiz tulad nina Kiefer Ravena, Eric Tai, Andrew Wolff, Chris Ervingham, at sina Jeron at Jeric Teng. Ito ay sa ilalim ng direksyon ni Raffy Francisco.
Bukod sa 'Karakaraka,' kukumpleto sa self-titled album ni Vice ang mga awitin na 'Manhid Ka;' 'Hindi Siya Kundi Ako;' 'Dahil Mahal Na Mahal Kita;' at ang 'Akin Ka Na Lang' kung saan kasama niya ang miyembro ng grupong 5th Wave Theory na si Migo Senires.
Bahagi rin ng album ang lahat ng minus one ng mga kanta; ang Brian Cua Trap Style/ Dubstep/ Dutch Remix ng carrier single ni Vice; at ang isa pang bersyon ng kanyang mga awit na 'Karakaraka' at 'Akin Ka Na Lang.'
Abangan ang paglabas ng self-titled album ni Vice Ganda sa record bars sa buong bansa sa Abril 30 sa halagang P199 lamang. Maaari nang ma-download ang 'Karakaraka' sa www.mymusicstore.com.ph at iTunes.
Para sa karagdagang impormasyon, bisitahin ang Facebook fanpage ng Star Records nawww.facebook.com/starrecordsphil o i-follow ang @starrecordsph sa Twitter.
No comments:
Post a Comment