KUWENTO NG ‘BATANG BUHAWI’ TAMPOK SA “WANSAPANATAYM”

Aral tungkol sa tunay na kahulugan ng pagtulong ang ibabaghagi ng award-winning fantasy-drama anthology ng ABS-CBN na "Wansapanataym" ngayong Sabado (Abril 20) sa episode na pinamagatang 'Batang Buhawi.' Sa kwento, gagampanan ng Kapamilya child star na si Maliksi Morales ang karakter ni Badong, isang batang gustong maging isang superhero. Nang matuklasan na may superpowers ng isang buhawi ang kapa ng kanyang kaibigan, kukunin ito ni Badong at gagamitin upang tumulong sa mga tao para sa pera. Mapagtanto kaya ni Badong ang halaga ng kanyang responsibilidad at ang tunay na ibig sabihin ng pagtulong sa kapwa kapag nailagay niya sa peligro ang lahat ng tao sa kanilang bayan? Makakasama ni Maliksi sa 'Batang Buhawi' episode sila Benjie Paras, K Brosas, at Angelo Garcia. Ito ay sa ilalim ng panulat ni Michelle Cruz at sa direksyon ni Tots Sanchez-Mariscal. Huwag palampasin ang storybook ng batang Pinoy, "Wansapanataym" tuwing Sabado ng gabi pagkatapos ng "Kapamilya: Deal or No Deal" sa ABS-CBN. Para sa karagdagang updates, mag-log on lang sa www.abs-cbn.com o sundan ang@abscbndotcom sa Twitter.