COCO MARTIN, PAPALIT SA TRONO NI EDDIE GARCIA

Matapos ang malupit na pagkabigo sa pakikipaglaban sa aswang na si Omar (Jason Abalos), nakatakda nang ipagpatuloy ni Juan (Coco Martin) ang kanyang misyon sa no.1 superhero drama series ng ABS-CBN na "Juan dela Cruz." Sa pag-amin ni Julian (Eddie Garcia) ng kanyang tunay na pagkatao kay Juan ay buong-puso na nitong ipinasa sa apo ang mga responsibilidad ng Tagabantay. Paano nga ba makababangon si Juan mula sa pagpapabagsak sa kaniya ng mga aswang na sina Omar at ng inaakala niyang kaibigan na si Kael (Arron Villaflor)? Handa na nga ba siyang panindigan ang mga tungkulin na ipinamana sa kaniya ni Lolo Julian? Sa pagbabalak ni Haring Samuel (Albert Martinez) na gawin siyang isang aswang, matutuklasan na ba ni Juan ang isa pang lihim ng kanyang pagkatao? Huwag palampasin ang kuwento ng paboritong superhero ng mga Pilipino, "Juan dela Cruz," gabi-gabi pagkatapos ng "TV Patrol" sa Primetime Bida ng ABS-CBN. Para sa karagdagang updates tungkol sa "Juan dela Cruz," sundan ang @JUANDELACRUZ_TV sa Twitter o i-like ang official Facebook fanpage nito nahttp://www.facebook.com/JuanDelaCruz.TV.