Tinutukan ng buong sambayanan ang paglalantad ng pagiging kambal nina Celyn (Kim Chiu) at Margaux (Maja Salvador) sa pinakaaabangang 'Gabi ng Pagtutuos' ng no.1 primetime family drama series ng ABS-CBN na "Ina Kapatid Anak." Patunay dito ang datos mula sa Kantar Media noong Biyernes (Abril 12) kung kailan humataw ng 36.7% national TV ratings ang nasabing episode kumpara sa dalawa nitong katapat na programa sa GMA na "Indio" na nakakuha ng 19.3% at "Mundo Mo'y Akin" na mayroon namang 16.4% national TV ratings. Samantala, abangan ang patuloy na pagtindi ng tensyon sa "Ina Kapatid Anak" ngayong unti-unti nang binabago ng rebelasyon ang takbo ng buhay ng lahat. Ano nga ba ang gagawin ni Margaux upang mabawi kay Celyn ang mga bagay na pinaniniwalaan niyang inagaw nito? Paano nga ba ipaglalaban ni Teresa (Cherry Pie Picache) ang kanyang karapatan sa kambal na kanyang ipinanganak? Sa pagbubunyag ngkatotohanan, may pag-asa na nga bang magkaayos muli ang magkapatid na Teresa at Beatrice (Janice de Belen), at Celyn at Margaux? Huwag palampasin ang mga makapigil-hiningang eksena sa "Ina Kapatid Anak," gabi-gabi, 8:15 PM, pagkatapos ng "Juan dela Cruz" sa ABS-CBN Primetime Bida. Para sa karagdagang updates, mag-log on lamang sa
www.facebook.com/InaKapatidAnak.TV o sundan ang @_InaKapatidAnak sa Twitter.
No comments:
Post a Comment