“APOY SA DAGAT,” SINUNOG ANG ‘LIES’ NG SIYETE

Patuloy na lumalagablab sa init ang pagsuporta ng TV viewers sa de-kalibreng primetime drama series ng ABS-CBN na "Apoy Sa Dagat" matapos nitong talunin ang katapat nitong programa sa GMA na "Love and Lies." 

Ayon sa datos ng Kantar Media noong Martes (Abril 16), humataw ng 23.7% national TV ratings ang "Apoy Sa Dagat" o mahigit sampung puntos na kalamangan kumpara sa nakuha ng katapat nitong teleserye na 13.5%. 

Samantala, bilang pasasalamat sa walang-sawang pagsuporta ng mga manunuod, isang grand fans day naman ang ihahandog ng "Apoy Sa Dagat" leadstars na sina Angelica Panganiban, Diether Ocampo, at Piolo Pascual ngayong Linggo (Abril 21), 5pm, sa SM North Skydome. 

Kasabay ng grand fans' day, ilulunsad din sa Linggo ang official soundtrack ng "Apoy Sa Dagat" kasama ang bagong singing sensation at 2013 Himig Handog P-Pop Love Songs finalist na si Marion Aunor. 

Huwag palampasin ang mas umiinit na kwento ng "Apoy Sa Dagat," gabi-gabi, 9pm, pagkatapos ng "Ina Kapatid Anak" sa Primetime Bida ng ABS-CBN. Para sa karagdagang updates at feeback kaugnay ng programa, i-'like' ang official Facebook fanpage ng "Apoy Sa Dagat" sa http://facebook.com/apoysadagat2013at sundan ang @Apoysadagat_TV sa Twitter.