"I'm looking forward to working with Coco," pahayag ni Shaina. "Isa siya sa pinakamagaling na artista dito sa industriya. Isang malaking karangalan para sa akin na makatrabaho ang isang Coco Martin."
Dagdag ni Shaina, matagal na niyang gustong makatrabaho muli si Coco mula nang makasama niya ito sa pelikula ng Star Cinema na "Sa'yo Lamang." Aniya, "Tuwing magkikita kami ni Coco lagi niya akong tinatanong kung kailan kami magkakatrabaho ulit. Sabi ko naman sa kanya na hinihintay ko lang siya kung kailan na puwede. Kaya nagpapasalamat po ako na finally, makikilala ko na si Juan dela Cruz."
Gagampanan ni Shaina sa "Juan dela Cruz" ang karakter ni Mira, ang prinsesa ng mga engkanto. Sa kanyang pagpasok sa mundo ng mga tao, kilalanin ang misteryosong karakter ni Mira at tuklasin ang misyon na kailangang niyang gawin para sa mailigtas ang kanilang kaharian. Ano nga ba ang magiging papel ni Mira sa buhay ni Juan (Coco)? Magiging isa nga ba siyang kakampi o kaaway?
Huwag palampasin ang pagbubukas ng bagong mundo sa kuwento ng paboritong superhero ng mga Pilipino, "Juan dela Cruz," gabi-gabi pagkatapos ng "TV Patrol" sa Primetime Bida ng ABS-CBN. Para sa karagdagang updates tungkol sa "Juan dela Cruz," sundan ang @JUANDELACRUZ_TV sa Twitter o i-like ang official Facebook fanpage nito na http://www.facebook.com/JuanDelaCruz.TV.
No comments:
Post a Comment