SAM AT ALEX TAMPOK SA “WANSAPANATAYM CHRISTMAS SPECIAL”

Magtatambal sa unang pagkakataon ang Kapamilya stars na sina Sam Milby
at Alex Gonzaga ngayong Sabado (Nobyembre 23) sa ikalawang episode ng
"Wansapanataym Christmas Special."

Sa episode na pinamagatang 'Fruitcake,' gagampanan ni Sam ang karakter
ni Charles, ang gwapong boss na kinahuhumalingan ng 'ugly-duckling' na
si Elaine, na bibigyang buhay naman ni Alex. Unti-unting matutupad ang
pangarap ni Elaine na mapaibig si Charles nang mapagkalooban siya ng
magic bowl na mistulang may gayuma na nagpapaganda ng kanyang anyo sa
paningin ng sinomang kakain ng fruitcake na ginagawa niya rito.

Ano ang gagawin ni Elaine kung sakaling ang gayuma na ginagamit niya
ay maubos? Mapatunayan kaya niya kay Charles na siya ay karapat-dapat
mahalin ano man ang itsura niya?

Kasama nina Sam at Alex sa 'Fruitcake' episode sina Arlene Muhlach,
William Martinez, Clarence Delgado, Thou Reyes, Beauty Gonzales, Eda
Nolan, at Hermie Concepcion. Ito ay sa ilalim ng panulat ni Joel
Mercado at direksyon ni Tots Sanchez-Mariscal.

Huwag palampasin ang pagpapatuloy ng "Wansapanataym Christmas Special"
sa storybook ng batang Pinoy, ngayong Sabado, 6:45pm, pagkatapos ng
"Bet On Your Baby" sa ABS-CBN. Para sa karagdagang updates, mag-log on
sa www.abs-cbn.com o sundan ang @abscbndotcom sa Twitter.