“TULONG SHIRTS” NG ABS-CBN, ALAY SA MGA SURVIVOR NG IBA'T IBANG KALAMIDAD

Padami na nang padami ang mga establisyementong nakikiisa sa
pagpapalaganap ng "Tulong Shirts" na alay sa mga naapektuhan ng
trahedya at karahasan sa iba't ibang bahagi ng bansa kabilang ang mga
survivor ng super bagyong Yolanda, lindol sa Bohol, at digmaan sa
Zamboanga.

Maari ng bumili ng "Tulong Shirts" sa Ayala malls, Festival Mall, Sta.
Lucia East Grand Mall, mga piling branch ng G Stuff, Mossimo, National
Bookstore, Dakki Direct Selling, Sportshouse, Toby's Sports, Gold's
Gym, Tomato, Mercato Centrale, Karatworld, Boardwalk, Bacolod Chicken
Inasal, at sa ABS-CBN Audience Entrance sa ABS-CBN Complex, Lopez
Drive, Quezon City.

Maaari ring bumili sa Internet sa pamamagitan ng
ABSCBNstore.shopinas.com, Lazada.com.ph, atZalora.com.ph.

Nagkakahalaga ng P250 ang bawat isang "Tulong Shirt." Ang kikitain
mula sa "Tulong Shirts" ay ido-donate sa Sagip Kapamilya calamity fund
ng ABS-CBN Foundation.

Para sa kumpletong listahan ng authorized dealers ng "Tulong Shirt,"
bisitahin lang ang http://www.abs-cbnnews.com/tulongph.