Cantiveros at Jason Francisco, haharapin muna nila ang isang matinding
hamon ng pagbabago na susubok sa kanilang samahan sa "I Dare You"
ngayong Sabado (Dec 7) sa ABS-CBN. Sa loob ng isang buwan, matututunan
ng Melason ang pagsayaw ng iba't ibang tradisyunal na Latin dances sa
ilalim ng multi-awarded na dancesport coach na si Belinda Adora. Kapag
nagwagi sila sa isang totoong dancesport competition ay mabibigyan ng
suporta at makakapagpagawa ng sariling dance studio ang Belinda
Adora's Step Kids, isang grupo ng kabataan na tinuturuan ni Belinda ng
dancesport para mapalayo sa bisyo at kumita. Kahit na hindi biro ang
kapalit nito ay hindi tumitigil sa kulitan nina Melai at Jason sa
gitna ng matinding pagsasanay. Ngunit maidaan kaya nila sa tawanan at
biruan ang dance steps na ituturo sa kanila? Makakasama ng Melason sa
hamon ng pagbabago ang aktres na si Kiray Celis at taekwondo superstar
na si Japoy Lizardo na ang makakapareha ay mga bata mula sa Step Kids.
Ang hamon para kay Japoy ay ang palalambutin ang katawan niyang
sinanay sa disiplina ng taekwondo, habang ang kay Kiray naman ay ang
palakasin ang loob ng kanyang partner na hindi bilib sa sarili. Kapag
napagtagumpayan nila ang hamon at manalo ng first place sa kumpetisyon
ay mabibigyan ni Japoy ng bonggang 18th birthday party ang kanyang
partner at si Kiray naman ay scholarship at pangkabuhayan package sa
kanyang partner. Huwag palampasin ang "I Dare You Season 2" kasama
sina John Prats, Deniesse Aguilar, Robi Domingo, at Melai Cantiveros
ngayong Sabado (Dec 7), pagkatapos ng "MMK" sa ABS-CBN. Para sa
updates tungkol sa programa, i-like lang ang
facebook.com/IDAREYOUSEASON2 o i-follow ang@IDareYouS2 sa Twitter at
@idareyouofficial sa Instagram. Makisabay sa diskusyon online habang
nanonood ng episode sa pamamagitan ng pag-tweet gamit ang hashtag na
#IDareYouMelason.
No comments:
Post a Comment