Pinatikim agad ng "Galema: Anak Ni Zuma" ang lakas ng kamandag nito sa bago nitong katapat na programa sa hapon. Base sa datos mula sa Kantar Media noong Lunes (Disyembre 2), panalo pa rin sa timeslot nito ang fantaserye nina Andi Eigenmann at Matteo Guidicelli sa ABS-CBN taglay ang 11.8% national TV ratings, kumpara sa kasisimula pa lamang na "GMA Blockbusters" na nakakuha lamang ng 7.7%. Ang pagtutuos ba nina Galema at ng ama niyang ni Zuma (Derick Hubalde) at ang pag-amin ng dalaga tungkol sa tunay niyang pagkatao ang magiging susi sa mas paglalim ng relasyon nila ni Morgan (Matteo) o ito pa ang magiging hudyat ng pagtatapos ng kanilang magandang ugnayan? Paano babaguhin ng pagsulpot ng isang mahiwagang bagay ang tadhana ni Galema? Patuloy na tuklasin ang naiibang kamandag ni "Galema: Anak ni Zuma," tuwing hapon pagkatapos ng "Kapamilya Blockbusters" sa Kapamilya Gold ng ABS-CBN. Para sa karagdagang impormasyon, bisitahin lamang ang social networking sites ng programa sa Facebook.com/galemaofficial at Twitter.com/galemaofficial.
No comments:
Post a Comment