ONLINE AUDITIONS NG “PBB,” BUKAS NA!

Sa tingin mo ba ay karapat-dapat kang maging housemate ni Kuya?

Kung oo, patunayan ito sa isang one-minute video kung saan kailangan
mong ipaliwanag kung bakit ikaw na ang hinahanap na housemate ng
"Pinoy Big Brother" para sa susunod na regular at teen editions nito.

Bukas ang online auditions ng "PBB" hanggang Enero 15, 2014. Para sa
kumpletong detalye ng mechanics sa paggawa ng video at kung paano ito
i-submit kalakip ang audition form, bisitahin lang
angwww.pinoybigbrother.com.

Libu-libo na ang sumabak sa nationwide auditions ng sikat na reality
show sa Davao at kamakailan sa Cebu, kung saan naging bahagi ito ng
Bida Kapamilya Audition Caravan kasama ang "The Voice of the
Philippines Kids" at "Maalaala Mo Kaya."

Masasabing nagbigay ng pag-asa ang nasabing event lalo't ilan sa mga
nag-audition sa "PBB" at "The Voice" ay pawang mga nasalanta ng
bagyong Yolanda sa Samar at Leyte. Hindi lang nag-audition ang ilan sa
kanila kundi nagbahagi rin ng kwento ng kanilang buhay sa "MMK" story
gathering booth.

Nagpakita naman ng suporta ang former PBB housemates na sina Beauty
Gonzalez, Paul Jake Castillo at Season 4 Big Winner na si Slater
Young, na pawang galing Visayas, pati na si Deniesse Aguilar sa mga
auditionee. Nagsilbi ring online correspondent sa nasabing event sina
Deniesse at Beauty.

Para sa announcement ng mga susunod na audition, sundan lang ang
@PBBabscbn at @thevoiceabscbn, sa Twitter, at i-like ang facebook.com/
OfficialPinoyBigBrotherAbsCbn at facebook.com/thevoiceabscbn.