Ultimate 'battle of the stars' ang regalo ng "ASAP 18" ngayong Linggo (Disyembre 15) sa tapatan ng galing at talento ng naglalakihang Kapamilya stars sa "6th ASAP That's Christmas."
Humanda sa wonderful Christmas treats na ipasasabog ng 'Team Winter 1derland' ni Paolo Valenciano kasama ang kanyang mga miyembro na sina Charice, Sam Milby, Kim Chiu, Kathryn Bernardo, Nikki Gil, Shaina Magdayao, Erich Gonzales, Robi Domingo, Joseph Marco, Empress, Rayver Cruz, Juris, Meg Imperial, at Iza Calzado.
Tuloy na tuloy ang pagdiriwang sa show-stopping performances ng 'Team Pa2loy ang Pasko' ni Jericho Rosales kasama ang kanyang teammates na sina Piolo Pascual, Gerald Anderson, Enrique Gil, Julia Montes, Yeng Constantino, Iya Villania, Jovit Baldivino, KZ Tandingan, Janella Salvador, Kean Cipriano, Princess, Sitti, at Bryan Termulo.
Kakaibang trip naman dapat abangan sa makapigil-hiningang production number ng 'Team Christmas 3p' na pamumunuan nina Enchong Dee at Maja Salvador kasama ang kanilang group members na sina Vina Morales, Erik Santos, Jed Madela, Aiza Seguerra, Angeline Quinto, Jessy Mendiola, Xian Lim, John Prats, Richard Poon, Nyoy Volante, Sam Concepcion, Jane Oineza, at Bugoy Cariño.
Abangan din ang sorpresang hatid ng bawat grupo kasama ang kanilang special guest.
Bukod sa "ASAP That's Christmas," mas magiging espesyal ang paunang Pamasko ng ASAP Kapamilya sa TV viewers sa pagbisita ng Teen King at Queen ng Philippine Showbiz na sina Kathryn at Daniel Padilla na parehong bida ng Metro Manila Film Festival (MMFF) 2013 entry ng Star Cinema at Regal Films na "Pagpag, Siyam na Buhay."
Magdadagdag kulay at kasiyahan rin sa "ASAP 18" ang back-to-back birthday celebrations ng "Maria Mercedes" star na si Jessy at ng "ASAP Sessionista" na si Richard; na susundan ng pagsalubong ng Star Magic family sa "Himig Handog P-Pop Love Songs 2013" finalists na sina Marion Aunor at Wynn Andrada.
Hindi rin pahuhuli sa pasiklaban ng talento ang girl group na "Tweens of Pop" na binubuo nina Mika dela Cruz, Noemi Oineza, Angel Sy, at Alexa Ilacad kasama ang Kapamilya primetime leading ladies na sina Kim, Julia, Erich, at Kathryn.
Samantala, saksihan din ngayong Linggo ang makatindig-balahibong world-class concert showcase ni Mr. Pure Energy Gary Valenciano at ng Asia's Nightingale na si Lani Misalucha.
Huwag palampasin ang consistent top-rating at palagiang trending sa puso ng buong sambayanan, "ASAP 18," ngayong Linggo, alas-dose ng tanghali sa ABS-CBN.
Para sa TV viewers na nais bumili ng ASAP official merchandise, bumisita lamang sa ABS-CBN Store sa ground floor ng ELJ building sa Quezon City, o bumisita sa ABSCBNstore.shopinas.com at MyRegalo.com.
Makihang-out nang live kasama ang stars ng ASAP Chill-Out sa pamamagitan ng pag-log on sa ASAP.abs-cbn.com. Makisaya rin sa official social networking accounts ng "ASAP 18″ sa Facebook.com/asapofficial at Twitter.com/ASAPOFFICIAL, at makibalita sa latest happenings sa programa sa pamamagitan ng pag-tweet ng hashtag na #ASAPThatsXmas2013.
No comments:
Post a Comment