‘KATHNIEL MAGIC’ CLICK NA CLICK SA VIEWERS!

Kabataan man o young-at-hearts, wagas kung kiligin sa mga romantic na
eksena nina Kathryn Bernardo at Daniel Padilla sa top-rating primetime
TV series ng ABS-CBN na "Got To Believe."

Patunay ng lakas ng 'KathNiel magic' sa mga manonood ay ang
gabi-gabing pagwawagi ng programa sa ratings game at pagiging trending
topic sa Twitter.

Noong Miyerkules (Disyembre 4), humataw ng 27.9% national TV ratings
ang "Got To Believe." Base sa datos mula sa Kantar Media, tinalo nito
ang dalawang katapat na serye sa GMA na Adarna (14.6%) at Genesis
(12.2%). Naging no.1 nationwide trending topics sa Twitter nang
magkakasunod na gabi ang mga hashtag na #G2BByYourSide,
#G2BGoodbyeIsNotForever, #G2BBestDayEver, at #G2BBeforeILetYouGo dahil
sa mga nakakakilig at nakakaiyak na bonding moments nina Chichay
(Kathryn) at Joaquin (Daniel).

Sa pagpapatuloy ng fairytale nina Chichay at Joaquin, tiyak na wala
nang bibitiw sa pagtutok dahil mas titindi pa ang 'kilig factor' sa
mga susunod na linggo. Paano babaguhin ng 'magical dust' ang mga buhay
nina Chichay at Joaquin? Anong gagawin nina Juliana (Carmina
Villarroel), Jaime (Ian Veneracion), Mama Bear (Manilyn Reynes) at
Papa Bear (Benjie Paras) sa sandaling malaman nila na childhood
sweethearts ng mga anak nila ang isa't isa? Ito na ba ang simula ng
happy love life nina Chichay at Joaquin o hudyat ng pagdating mas
malaking pagsubok?

Patuloy na damahin ang kakaibang magic ng pag-ibig sa most romantic
series ng 2013, "Got To Believe," gabi-gabi, pagkatapos ng "Honesto"
sa ABS-CBN Primetime Bida. Para sa mga eksklusibong impormasyon,
pictures, o videos, mag-log on lamang sa www.got2believe.abs-cbn.com
at sa official social media accounts ng programa sa
www.facebook.com/G2B at www.twitter.com/G2BGottobelieve.