Mas matapang at mapangahas na family drama ang handog nina Jericho Rosales, Maja Salvador, JC de Vera at Angel Locsin sa pinagbibidahan nilang primetime teleserye sa ABS-CBN na pinamagatang "The Legal Wife." Tampok sa serye ang mga totoong pinagdaraanan ng mga mag-asawa at kung ano ang kaya nilang gawin para sa isa't isa at sa kanilang pamilya. Ang "The Legal Wife" na mapapanood na sa Enero 2014 ay sa ilalim ng direksyon nina Rory Quintos at Dado Lumibao. Pinagsama-sama ng serye ang ilan sa pinakamahuhusay na aktor sa larangan ng drama kabilang sina Joem Bascon, Ahron Villena, Christopher de Leon, Rio Locsin, at Mark Gil. Huwag palampasin ang full trailer launch ng "The Legal Wife" ngayong Miyerkules (Enero 1), pagkatapos ng "Honesto" sa ABS-CBN Primetime Bida.
No comments:
Post a Comment