First time na bibida sa "Maalaala Mo Kaya" (MMK) ang singer at MYX video jock na si Sam Concepcion. Mapapasabak siya ngayong Sabado (Oktubre 19) sa matinding drama sa episode kung saan bibigyang buhay niya ang karakter ni Carlos. Si Carlos ay isang matalinong estudyante na nagpupursigeng pagsabayin ang pag-aaral at pagtatrabaho upang makamit ang pangarap na maka-graduate at makapagtrabaho. Ngunit paano kung ang pamilyang inspirasyon mo para magtagumpay ang siya mismong walang bilib sa iyo? Kasama ni Sam sa upcoming "MMK" episode sina Maliksi Morales, Yam Concepcion, Rio Locsin at Jestoni Alarcon. Ito ay sa ilalim ng direksyon ni Raz de la Torre, panulat ni Benjamin Benson Logronio at pananaliksik ni Agatha Lee Ruadap. Huwag palampasin ang "MMK" tuwing Sabado pagkatapos ng "Wansapanataym" sa ABS-CBN. Para sa iba pang updates, mag log on sa MMK.abs-cbn.com, sundan ang @MMKOfficial sa Twitter, at i-"like" ang Facebook.com/MMKOfficial.
No comments:
Post a Comment