Ang kauna-unahang milyonaryo sa "Bet On Your Baby" ay ang YouTube sensation at kilalang fliptopper na si Wendell "Dello" Gatmaitan na nanalo noong Sabado (Oktubre 26) ng gabi. Hindi inakala ni Dello na sa isang iglap ay magiging milyonaryo ang kanyang pamilya matapos siyang umabot sa jackpot round na "Basagin Ang Baboy" kasama ang kanyang maybahay. Sa unang subok ay binasag niya ang piggy bank na naglalaman ng P50,000 habang ang piggy bank na may P60,000 naman ang nabuksan niya sa ikalawang subok. Swerteng nahulaan ni Dello ang piggy bank na naglalaman ng 1 milyon sa pangatlong subok na huli rin niyang tiyansa. Sa umpisa pa lamang ng show ay sinabi na ng mag-asawa na kung sakaling mapanalunan nila ang jackpot ay ilalaan nila ito sa pag-aaral ng kanilang anak. Palaging tutukan ang "Bet On Your Baby" tuwing Sabado sa ABS-CBN pagkatapos ng "TV Patrol Weekend". Para sa mga update, i-like ang "Bet On Your Baby" sa Facebook ( www.facebook.com/betonyourbabyph ) at sundan ang @betonyourbabyph sa Twitter o ang betonyourbabyphilippines sa Instagram. Patuloy din na pag-usapan ang game show gamit ang hashtag na #BetOnYourBaby.
No comments:
Post a Comment