JANE OINEZA, MULING MAGPAPALUHA SA “MMK”

Sasabak muli sa isang heavy drama episode ng "Maalaala Mo Kaya" ang
Kapamilya teen star na si Jane Oineza. Gagampanan niya ang karakter ni
Nene, isang 17-anyos na dalagitang nagrebelde sa magulang, nabuntis
nang maaga, at pilit nilalayo ang sarili mula sa kanyang pamilya.

Kasama ni Jane sa "MMK" ngayong Sabado (Oktubre 26) sina Joey Marquez,
Mickey Ferriols, Christian Vasquez, Belle Mariano, Justin Gonzales,
Chris Guttierez, Marnie Lapuz, at Jerome Ventinilla.

Higit na kinilala ang husay ni Jane sa pag-arte dahil sa markado
niyang pagganap sa 'Manika' episode ng "MMK" noong 2012, kung saan
gumanap siya bilang isang menor de edad na ginahasa ng amain sa harap
ng kanyang ina. Ang role na ito ang nagbigay-daan upang makamit niya
ang best actress nomination mula sa prestiyosong 2013 New York
Festivals (NYF) World's Best Television and Film.

Ang upcoming "MMK" episode ay sa ilalim ng direksyon ni Nick Olanka,
panulat ni Mary Rose Colindres at pananaliksik ni Akeem Jordan Del
Rosario.

Huwag palampasin ang "MMK" tuwing Sabado ng gabi pagkatapos ng
"Wansapanataym" sa ABS-CBN. Para sa iba pang updates, mag log on sa
MMK.abs-cbn.com, sundan ang @MMKOfficial sa Twitter, at i-"like" ang
Facebook.com/MMKOfficial.