MGA KAPAMILYA COMEDY SHOW NA ‘BANANA SPLIT’ AT ‘TODA MAX’, DOUBLE CELEBRATION SA PAGDIWANG NG KANILANG ANIBERSARYO

Maghahatid ng dalawang laughtrip na selebrasyon ang mga comedy show ng
Kapamilya network na "Banana Split" at "Toda Max", simula ngayong
Sabado (Oct 19), kung saan handog nila ang isang malaking weekend na
punung-puno ng tawanan kasama ang ilan sa mga paboritong artista.

Matapos ang mga kaganapan sa kanilang pagpunta ng Bohol, ang
pagmamahal ng cast at crew ng "Banana Split" sa paghahatid ng saya sa
mga tao ay buong-buo pa rin, lalo't five at still alive ang kanilang
gag show.

Ngayong Sabado,magbibigay ng isang performance na siguradong
magbabalik ng ngiti ang "Banana Split" cast at crew sa "Banana Split:
Extra Scoop", kung saan mapapanood ang paboritong mga gag at sketch.

Isa namang matagalang selebrasyon ang hatid ng "Toda Max" sa papalapit
na pagdiwang nito ng pangalawang anibersaryo sa Philippine TV.
Mag-uumpisa na ngayong Sabado rin ang isang month-long na countdown,
at kasama nina Vhong Navarro, Angel Locsin at Ai-Ai delas Alas sa
kick-off episode ang ilan sa mga pinakamahuhusay na artista galing sa
music scene na sina Bassilyo, Tutti Karingal, Callalily at Chicosci.

Sariling "Banda Rito, Banda Roon" ang mapapanood sa "Toda Max", at ang
mga taga-Beverly Gils ay magbubuo ng grupo para makasali dito. Maiisip
ni Justin (Vhong Navarro) na kumuha ng mga band member mula sa Beverly
Gils para lumaban sa iba pang mga bandang nagmumula sa mga karibal na
barangay.

Huwag palampasin ang "Toda Max" ngayong Sabado (Oct 19) na eere nang
back-to-back sa "Banana Split: Extra Scoop" pagkatapos ng "I Dare
You". Kumpletuhin at gawing mas masaya ang weekend kasama ang buong
pamilya at ng mga Kapamilya comedy shows ng ABS-CBN Channel 2.