Mas titindi na ang kompetisyon sa pagitan ng mga karakter nina AiAi delas Alas at Cherry Pie Picache ngayong Sabado (Oktubre 26) sa pagpapatuloy ng "Wansapanataym Presents Moomoo Knows Best." Ngayong tunay at matapat na esperitista na si Joanna (AiAi), muling susubukin ang kanyang kabutihan sa pagpasok ng mapanira niyang karibal na si Lavender (Cherry Pie). Matuloy pa ba ni Joanna ang pagbabagong-buhay niya sa gitna ng panggugulo ni Lavender? Anong tulong ang ibibigay sa kanya ng kaibigan niyang multo na si Kwatzy (Izzy Canillo)? Kasama nina AiAi, Izzy, at Cherry Pie sa "Wansapanataym Presents Moomoo Knows Best" sina Carla Martinez, Marco Gumabao, Jojit Lorenzo, at Michelle Vito. Ito ay sa ilalim ng panulat ni Arlene Tamayo at direksyon ni Erick Salud. Huwag palampasin ang pagpapatuloy ng Halloween special nina AiAi, Cherry Pie, at Izzy ngayong Sabado sa storybook ng batang Pinoy, "Wansapanataym," 6:45pm, pagkatapos ng "TV Patrol Weekend" sa ABS-CBN. Para sa karagdagang updates, mag-log on sa www.abs-cbn.com o sundan ang@abscbndotcom sa Twitter.
No comments:
Post a Comment