inihahandog nito ang dalawang exciting at bagong inaabangan na screen
pairings sa "She's The One".
Nakatakdang ipalabas sa October 16 sa higit na 120 theaters
nationwide, ang "She's The One" ay magtatampok sa two-time Best Actor
winner na si Dingdong Dantes sa kanyang unang pakikipagtambal sa
Kapamilya screen sweetheart na si Bea Alonzo sa isang napapanahong
kuwento tungkol sa dalawang mag-best friend na mapapasok sa isang
medyo complicated at di-inaasahang romantic situation.
Inaasahang magiging mas exciting pa ang pelikulang ito dahil
makakasama nila Dingdong at Bea ang isa pang bagong screen tandem na
binubuo ng tinaguriang "Next Ultimate Leading Man" na si Enrique Gil
at ang Star Magic 2013 discovery at emerging 'It Girl' na si Liza
Soberano, na kapwa may importanteng roles dito.
Para sa kanilang unang pagtatambal, naghanap ang Star Cinema ng isang
fresh and exciting concept na nakita nila sa "She's The One" sa
panulat nina Charlene Sawit- Esguerra, Anton C. Santamaria, Roumella
Nina Monge at ng award-winning screenwriter at Creative Director ng
Star Cinema na si Vanessa Valdez. Hitik ito sa mga elements na naging
tatak na ng mga hit romance movies ng Star Cinema, gaya ng
di-malilimutan na dialogue at pick-up lines na binigyan ng bagong
twist para sa social media-driven generation.
Idinirek ni Mae Czarina Cruz, ang "She's The One" ay tungkol sa isang
long-time friendship na puwedeng biglang magbago dahil sa isang
di-inaasahang pangyayari—at dahil dito, ang dalawang magkaibigan ay
mapipilitan na i-evaluate ang feelings nila para sa isa't isa sa
panahon na ito ng Facebook, Twitter at viral videos.
Isa itong kuwento ng pagkakaibigan, at ng mga "Eureka moments" na
magpapa-realize sa iyo na ang taong matagal nang nasa tabi mo ay siya
na pala ang inaantay mo na "the one".
Nang malaman ni Bea na magiging katambal niya sa "She's The One" si
Dingdong ay na-excite ito. Bago si Bea, nakatrabaho ni Dingdong ang
mga top Kapamilya leading ladies na sina Kris Aquino (Segunda Mano),
Angel Locsin at Angelica Panganiban (One More Try). Ito ang unang
pagsasama nila ni Bea na lubos na natuwa at siya ang napili para sa
project na ito.
"Matagal ko na siya (Dingdong) gustong makatrabaho because I've heard
a lot of good things about him," sabi ni Bea.
Si Dingdong naman ay umaming nagulat dahil matapos ang dalawang sunod
na pelikula sa bakuran ng Star Cinema, ay di niya inaasahan na
mabibigyan siya ng pagkakataon na gumawa ng isa pa. Ayon sa aktor,
"sobrang gaan" katrabaho si Bea dahil "sobrang bait" nito.
Ito ang unang sabak ni Dingdong sa romance genre pagkatapos ng mga
ginawa niya sa Star Cinema na horror movie at heavy drama.
"I'm so happy that I was given the chance to do this movie, and much
more when I found out that I'll be working with Bea and Enrique," sabi
ni Dingdong. "I guess nandoon 'yung excitement namin pareho ni Bea,
for us to portray roles in this kind of a movie about best friends and
love."
Nag-enjoy daw siya sa paggawa ng "She's The One" kaya't hindi na rin
ito makaantay sa pagbubukas ng movie sa October 16. "I think I can
speak for myself, umpisa pa lang na sobrang excited na excited na ako
dito and siguro 'yun din ang naging dahilan kung bakit nagiging
maganda 'yung resulta ng samahan namin oscreen."
Dahil sa bigat ng casting at magandang storyline, tinatayang ang
"She's The One" ay magiging major movie event ng 2013—kaya't huwag
nang pahuhuli sa pagbubukas nito sa October 16.
No comments:
Post a Comment